要說時代意義，《窄路微塵》其實更具象徵意義；當政府宣佈疫情已完，大家好似選擇忘記過去幾年嘅傷痛，突然當無咗件事。但始終，它曾在我城發生過，我哋大家曾親身經歷過。
而出色嘅電影，喺反映時代之餘，同時呈現導演嘅人文關懷，可以係好超現實、違反「常理」，就如另一電影《竊聽者》（The Lives Of Others），一名處事冷酷無情嘅東德秘密警察，點解會無厘啦更、不惜一切去保護一名同佢三唔識七嘅藝術劇作家？同樣非常唔合常理，現實根本唔會發生。
恭喜黃衍仁憑《窄路》贏得金像獎「最佳原創電影音樂」，佢致詞一句「演員演繹就係配樂嘅譜」，令我深深感動；仲有「直到我可以喺戲院睇到所有林森拍過嘅電影嗰一日」。Please wait, don't lose faith, I know it's gonna happen someday。
