啱啱過去嘅2020年2月，好似好漫長，而家眨吓眼又過去喇。
成個2月，透唔過氣嘅低氣壓同不安感，籠罩住成個城市。
唔啱唔啱，呢份感覺，由舊年6月已開始。
呢個2月，仲有好多生離死別，令我哋神傷。
都唔啱唔啱，自從去年6月，梁凌杰先生過身後，呢八個多月以嚟，幾多個夜晚，我哋嘅情緒被牽動，好難瞓得著。
自問從來唔係好識點樣處理悲傷同失落，我知道佢哋一直喺度。但好多時候，我只係茫茫然咁睇住哋，束手無策，做唔到啲乜。
過去呢八個幾月以嚟，我開始學習點樣為之向前看。咁唔算得上樂觀積極，只係被迫接受現實，因為所有悲傷同失落，已經發生咗，唔能夠挽回。
點樣能夠慢慢接受痛苦，繼續向前看，唔再停落嚟，望返轉頭？
呢個2月，不停聽住草莓救星舊歌《It's Not the End of the World》。好神奇，心情真係好返少少。
又唔可以真係咁講，但心裡面真係多咗一份輕輕嘅溫暖。
自問一直都好驚嗰啲一味叫人勇敢樂觀、積極面對，然後明天會更好嘅地球大合唱歌曲，好矯情好虛偽。當然如果真係有人因為聽完呢啲歌而醫好武漢肺炎，OK fine，咁聽多幾次無相干。
It's Not the End of the World，好似好積極樂觀，但呢首歌更似係話俾我知，我哋已身處末世，我哋只能令到自己相信，而家唔係末世，咁樣先能夠搵到出路。
好似好矛盾，但人生從來就係充滿矛盾同悲喜交集，好似《It's Not the End of the World》。主音腊筆嘅歌詞，訴說出樂觀、幻想、快樂、不捨、希望、灑脫、失落、疑惑、哀愁、無奈、傷感、哀求、悲鳴、請求……好少可有一首歌，同時描繪出咁多人類唔同嘅情感。我哋開心，我哋喊，我哋做緊嘢，我哋寫緊嘢，有人離我地而去，有人正受病苦煎熬。腊筆寫嘅，係我哋每個平凡人可以擁有嘅情感，雖然我哋好似微塵咁平凡，不值一晒，但微塵都可以有情感，都可以喊，都可以唱一首歌，講一句話，鼓勵別人。
好似好複雜，但人生從來就係複雜，或庸人自擾。其實我哋都希望活得簡單一啲。《It's Not the End of the World》，每個人聽完或會有唔同感覺、情感。腊筆寫呢首歌，背後都有佢嘅故事。不過，如果要簡單用一個詞語形容呢首歌，我會話係「勇氣」。
每一次，當聽住《It's Not the End of the World》，都俾到我一步一步走下去、漸漸變得堅強嘅勇氣。「請你牽我的手，用力的拉著我往前走，請你記得我所有的笑容。」與其話係請「你」，其實更加係請求「我」自己，務必記住所有美好嘅東西，好好收藏喺心底，然後繼續用力往前走。
《It's Not the End of the World》
曲、詞：腊筆 編曲：草莓救星
貼近你的耳朵
有些話我想要小聲對你說
請你牽我的手
用力的拉著我往前走
你摘下一朵小花
別上我凌亂的頭髮
告訴我 It's not the end of the world
你在我的心頭
放了一個永不停止的時鐘
我想要擁著你
你卻飛往遙遠的 外太空
能不能在我眼裡綻放
最燦爛的花火
告訴我 It's not the end of the world
我不會想太多
時間會幫我找到出口
相信你現在一定很快樂
But I can't understand
No I can't understand
為什麼你不繼續在我的生命裡
發光發熱
昨天的微風流到了今天還是一樣
輕輕吹
頭髮上的小花
早已跟隨你遠遠飛不見
它已經帶走我
也一起帶著我的哀愁
我知道 it’s not the end of the world
我不會想太多
時間會幫我找到出口
相信你現在一定很快樂
But I can't understand
No I can't understand
為什麼你不繼續在我的生命裡
發光發熱
請你牽著我的手
請你用力擁抱我
請你記得我所有的笑容
告訴我 It's not the end of the world
告訴我 It's not the end of the world
告訴我 It's not the end of the world
