呢度有無人同我一樣，得知Everything But The Girl重組，而感到激動不已？
舊年年尾，Tracey Thorn喺twitter公布，2023年春季，EBTG會繼1999年《Temperamental》後，再次發表新專輯《Fuse》。新專輯發表前熱身作《Nothing Left To Lose》，今日正式新鮮上架。
之前曾一度幻想，以為EBTG今次久別重逢，Tracey同 Ben Watt 二人會Back to basic，重投Acoutsic-Pop / Indie-Pop懷抱，當然只係我一廂情願諗多咗。《Nothing Left To Lose》仍繼承著《Temperamental》嘅Downtempo跳舞風格，音樂上仍然非常時髦，完全唔覺過時，完勝新一代𠴱啲九流流EDM（其實根本完全唔同Level無得比！）
不過初聽《Nothing Left To Lose》，係完全認唔到Tracey把聲，還以為EBTG請嚟黑人騷靈歌手Featuring獻唱！同樂隊41年前處女作《Night and Day》時期Tracey漫不經意嘅唱腔相比，兩者完全係兩個世界。「Kiss me while the world decays / Kiss me while the music plays」，世界的確完全變晒，變到好差勁；唯有音樂，唯有真誠嘅創作，繼續無得輸！
同日， M83亦告推出新細碟《Oceans Niagara》，滿帶風馳電掣醒新氣息，同樣正斗。兩隊「老Band」為2023年開咗個唔錯嘅頭。1月尾，仲有Lawrence一人樂隊Mozart Estate新碟《Pop Up! Ker-ching! And the Possibilities Of Modern Shopping》，同埋「你啲瘡」Ladytron嘅《Time’s Arrow》，勁開心，超期待！
